Сентябрь 2025 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Балаларны мәктәпкә хәстәрләү, аларга кирәк-яракны алу җиңел эш булмаганы турында Тубыл шәһәре иҗтимагый хатын-кызлар оешмасы рәисе Айсылу Юнысова сөйләде. Ул: «Шәһәр иҗтимагый хатын-кызлар оешмасы вәкилләре «Баланы мәктәпкә җый» акциясе кысаларында үткәргән чарада актив катнаштылар. Коллектив белән Вагай районы Карагай мәктәбенә адреслы ярдәм күрсәттек. Узган ел бу авылны су баскан иде. Безнең максат балаларга уку өчен кирәкле җыелмалар бүләк итү булды.
Каләмнәр, дәфтәрләр, альбом, уку әсбаплары, рәсем ясау өчен буяулар һ.б канцелярия кирәк-яракларын мәктәпкә тапшырдык. Балаларга игътибар күрсәтү чарасында теләгән һәркем катнаша алды. Без китергән уку өчен җыелган кирәкле җыелмаларны күп балалы гаиләләрдәге мәктәп укучыларына, ярдәмгә мохтаҗларга мәктәп җитәкчесе тапшырачак. Һәркемгә дә хәйрия акциясендә катнашу саваплы эш. Мәктәп укучылары өчен иң кирәкле әйберләрне - уку һәм иҗат өчен җыелмалар, дәфтәрләр алуда быел ярдәм итүчеләр дә булды. Хәйриячеләр, эшмәкәр Римма Кәримова тарафыннан алынган балалар өчен кирәкле уку әсбаплары укучыларга уңыш китерсен, алар яхшы укысыннар, тырыш булсыннар дигән теләктә калам. Ярдәмгә мохтаҗларга киләчәктә дә адреслы ярдәм күрсәтербез дип ышанам. Укучыларны Белем көне уңаеннан котлап уку елы кызыклы һәм уңышлы булсын дигән теләкләремне юллыйм. Укытучыларга Яңа уку елы һөнәри осталык, сабырлык, эшләрендә уңышлар, яңа ачыш-казанышлар китерсен, хыялларыгы, максатларын тормышка ашырырга язсын», - диде.
Римма УМИТБАЕВА.
