Сентябрь 2025 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
«Бердәм Россия» партиясе ел саен үткәргән «Баланы мәктәпкә җый» хәйрия акциясендә Тубыл мәктәпләре дә актив булдылар. Шәһәрнең 15 нче урта гомуми белем бирү мәктәп укытучылары беренче сыйныф укучыларына ярдәм күрсәтүгә юнәлдерелгән акциядә катнаштылар, ата-аналар белән актив эш алып бардылар.
Авыр тормыш хәлендә калган, аз керемле гаиләләргә, балаларны мәктәпкә әзерләүдә ярдәм күрсәтү буенча җыен координаторы Юлия Галеева, социаль педагог һәм директорның урынбасары Мария Макаренко бу игелекле чараны оештырып уңышлы үткәрделәр.
Әлеге мөһим һәм кирәкле эштә «Беренчеләр хәрәкәте»нең иң актив укучылары белән Гөлнара Янгулова җитәкчелегендә канцелярия товарларын, дәфтәрләр, ручкалар, каләмнәр, линейкалар, балалар иҗаты өчен җыелмалар һ.б кирәкле әйберләр җыйдылар һәм укучыларга тапшырдылар. Мәктәп җитәкчесе Әлфия Петухова: «Яңа уку елы - беренче сентябрь балалар, ата-аналар, укытучылар өчен көтеп алган бәйрәм көне. Быел безнең мәктәптә беренче сыйныфка 60 бала барачак. Акция кысаларында аз керемле, күп балалы, имин булмаган гаиләләргә игътибар иттек. Яңа уку елына әзерләнүдә ярдәм беркайчан да артык булмас. Безнең мәктәптә күп балалы гаиләләрдән укучылар күп. Җыелган, тапшырылган ярдәмне гаиләләр җылы кабул иттеләр. Булышлык күрсәтүчеләргә рәхмәтләремне белдерәм. Мөһим вакыйга, шатлыклы бәйрәм - Белем көне белән беренче сыйныфка баручы балаларны һәм барлык укучыларыбызны, ата-аналарны, мәктәп укытучыларын котлыйм. Яңа уку елы күпсанлы ачышларга, нәтиҗәләргә, уңышларга бай булсын», - диде.
Римма УМИТБАЕВА.
Рәсемдә: Гөлнара Янгулова (уңда) укучысы Жасмина Галеева белән.
