Сентябрь 2025 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Тубыл районының Хуҗайлан авылында якташыбыз, МХО катнашучысы Руслан Мәчитов хөрмәтенә истәлек стенды ачылды. Стендны сугышчы укыган мәктәптә урнаштырганнар.
Руслан Мәчитов Хуҗайлан авылында туып-үскән, шунда ук мәктәпне тәмамлаган, балачактан спорт һәм техника белән мавыккан һәм һәрвакыт ярдәмгә килергә әзер булган. Мәктәптән соң Новокузнецк шәһәрендә армия сафларында хезмәт итә, аннан Чечен Республикасындагы кайнар ноктага җибәрелә.
2023 елның 22 февраленнән Руслан Вахит улы контракт буенча хәрби хезмәтне сайлап, яңадан Ватанны саклаучылар рәтенә баса. Ул Витебск-Новгородның ике тапкыр Кызыл Байраклы 90 нчы гвардия танк дивизиясе составында төзәүче (наводчик) була, Донецк һәм Луганск Республикаларын азат итүдә катнаша. Сугышчан бурычларны үтәгәндә күп тапкырлар югары профессиональ күнекмәләр күрсәтә, иптәшләре өчен үрнәк булып тора, сугышчыларның рухын гел күтәрә.
2024 елның 19 апрелендә Украина территориясендә хәрби бурычын үтәгәндә батырларча һәлак була. Президент Указы белән күрсәткән батырлыгы һәм кыюлыгы өчен II дәрәҗәдәге «Батырлык өчен» медале, Батырлык ордены белән бүләкләнә (үлгәннән соң).
Истәлекле стендны ачу хокукы геройның кызы Алинәгә һәм район башлыгы вазифасын башкаручы Максим Александровка бирелде.
Ватанны саклаучыны бер минут тынлык белән искә алдылар. Истәлек стендына чәчәкләр салдылар.
(Ләйлә Мадъярова тәрҗемәсе).
Тубыл районы яңалыкларыннан.
Рәсемдә: стендны ачканда.
