Сентябрь 2025 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Газетабызның күркәм юбилее белән сезне ихлас күңелемнән тәбриклим. Менә 35 ел инде «Яңарыш» татар милләтенең рухи бишегенә әйләнде. Сезнең тырышлык, үҗәтлек, осталык белән газетабыз яшәп бара, замана белән янәшә атлый, аның проблемаларын яктырта, чишә, укучыларына җиткерә. Тормышыбыз кебек, үзгәрешсез яшәми.
Үзгәрешләр үзегездән башлана. Кичәге укытучыдан бүгенге көндә төрле дан-дәрәҗәләргә ия булган алдынгы фикерле профессиональ журналистлар булып үсеп җиттегез. Афәрин!
Әдәби телдәге очеркларыгызны дүрт күз белән көтеп алабыз, яратып укыйбыз. Янәшәдә мохит булганда, телебез дә үзгәрә. «Без - бергә» исемле өстәмә битләре дә газетаны тагын да матурлады, тулыландырды, эчтәлеген киңәйтте, баетты.
Татарстандаф һәм илебезнең төрле регионнарында яшәүче милләттәшләребезнең яшәеше, хезмәте, мәгарифе, мәдәнияте, үсеше, гореф-гадәтләр чагылышы, дини тормышлары турында газета битләреннән укып белеп барабыз. Алар яшәеше хезмәтебез өчен олы үрнәк. Татарстан халкы башкарган чаралар таң калырлык, искитәрлек!
Газетаны башлаучы мәрхүмнәребез Азат Гыйззәт улы, Рәүфә Рәшит кызы һәм сез - барыгыз да милләтебезнең йөзек кашлары. Беркемгә дә яңа эш башлау җиңел килмәгәндер. Сез юкны бар итүче иҗади затларыбыз. Тырыш хезмәтегез өчен чал чәчле башымны иям. Мәрхүмнәребезнең урыннары җәннәттә генә булсын иде.
Барыгызга да сәламәтлек, бәхетле тормыш, аяз күк йөзе, иҗади уңышлар теләп
Хәмидә РЕЧЕБАКИЕВА,
Тубыл районы, Хуҗайлан авылы.
