Июль 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
2026 елның 12 июле – Россия почтасы көне. Һөнәренә тугрылыгы өчен Нурия Вафеевага чын күңелдән рәхмәт сүзләре белдереп, Шәһәр Думасының Рәхмәт хаты белән Дума рәисе Михаил Анатольевич Никитин котлады.
Нурия Туктасын кызы хезмәт юлын Тубыл шәһәренең 15 нче мәктәбен тәмамлагач башлады. Төмән дәүләт информатика һәм элемтә колледжын тәмамлап, 40 елдан артык Тубыл почтасының бүлекчәсендә участок мөдире, басмаларга язылу һәм тарату бүлеге мөдире булып эшләде. Нурия Вафееваның гомуми хезмәт стажы – 50 ел. Почта аның өчен гади эш урыны гына түгел, ә бөтен гомер эшенә әверелде. Хезмәтендәге казанышлары өчен ул министрлыкның «Элемтә остасы» билгесе белән бүләкләнде. Хезмәт ветераны соңгы 15 елда туган телне, туган шәһәрнең мәдәни кыйммәтләрен саклап калу өчен зур эш алып бара. Җәмәгать эшлеклесе буларак, ул еллар буе себер-татар мәдәнияте үзәге, Тубыл шәһәренең сәнгать һәм мәдәният үзәге белән хезмәттәшлек итә. Концертлар алдыннан газета-журналларны популярлаштыру буенча акцияләр оештырып үткәрә. Үз бурычларын һәрвакыт намус белән үти. Газета-журналларга язылу эшендә актив ярдәм итә, махсус хәрби операциягә ярдәм җыюда да катнаша.
Хөрмәтле Нурия Туктасын кызы, сезнең күпьеллык хезмәтегез, һөнәрилегегез һәм эшегезгә бирелгәнлегегез хөрмәткә лаек. Сезгә исәнлек, иминлек, тынычлык телибез.
