Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Әнисе ягыннан нәсел агачын төзегән, тугыз буын бабаларының исемнәрен белгән, Төмән районы, Талымхан авылы тарихын киләчәк буыннар өчен язып алган Җәгъфәр Касыймовка – 70 яшь.
Ул 1952 елның 26 ноябрендә сугыш һәм тыл ветераннары Мәрзия Баһаветдин кызы һәм Әбүзәр Төхвәтулла улы Касыймовлар гаиләсендә туа. Дүрт апасы энекәшләренә бигрәк тә шатланалар.
Берничә елдан, яшь гаиләгә ямь өстәп, тагын бер малай туа. Көләч йөзле, эш сөючән, йомшак күңелле, белемгә омтылучан 12 яшьлек малай 1964 елда бабае Баһаветдин Рахмангуловтан (1885-19644) туган авылы тарихын язып ала, соңыннанрак бу язмаларны әнисе...
Дөньяда тулы, камил тормышта яшим дисәң, күп көч куярга кирәк. Моны һәркайсыбыз бала вакыттан ук белеп үсәбез. Тырышсаң гына, күп көч куйсаң гына, сайлаган юлыңда зур җиңүләргә, зур нәтиҗәләргә җитә аласың.
Быелгы 2022 елның башыннан ук Казаннан Сәйдә Миңнебаева элемтәгә кереп, үзенең Җәгъфәр Касыймовны “Әйдәбас” татар биюен үстерү остаханәсенә чакырырга теләвен белдерде. Сәйдә белән без берничә ай хат языштык.
Җәен Сәйдәнең проекты яшьләр эшләре буенча федераль агентлык оештырган “Таврида” Арт-кластерының “Таврида.Арт” фестивале кысаларында физик затлар арасында Бөтенроссия яшьләр проектлары конкурсында грант...
19 ноябрьдә Ялутор шәһәренең “Премьер” кинотеатрында Илдар Ягъфәровның татар телендәге «Исәнмесез» фильмы күрсәтелде. Өлкәбездә татар киносын күрсәтүне “Ак калфак” оешмасы башлап җибәрде. Төмән шәһәрендә яшәүчеләр берничә фильм карау бәхетенә ирештеләр.
«Исәнмесез» - татарда тәнкыйтькә юлыккан шул рәвешле исәнләшүнең мәгънәсен ачыклап бирә. Еллар үтү белән бердәмлек хисләрен югалткан биш бертуган арасындагы мөнәсәбәткә таянып, кешелеклелек, телне саклау, ярдәмчеллек кебек темаларны үз эченә алган тирән эчтәлекле фильм.
Оештыруда башлап йөрүче Лиана Гаптеләхәтова Ялуторда күп кеше җыелуын һәм зур рәхмәтләр...
15 ноябрь көнне Роза Ниязовага 90 яшь тулды. Ул күп еллар Күкрәнде мәктәбендә башта башлангыч классларда, соңыннан өлкән классларда рус теле һәм әдәбиятыннан укытты.
Безнең мәктәптә бик көчле, иҗади, энергиясе ташып торган укытучылар коллективы эшләде. Роза апаның әтисе Ваһап абый Әхмәтов үзенең янына алдынгы укытучыларны туплады. Бу традицияне аның улы Газиз дәвам итте.
Безнең буынга да шундый гүзәл укытучылардан белем алырга насыйп булды. Әйткәнемчә, Роза апа мәшһүр укытучы һәм директор Ваһап абый гаиләсендә туа. Ул бик зиһенле, бик тиз отып ала торган, мәктәптә алдынгы укучы була. Ләкин балачагында бик...
«Беренче килгәнемдә 100 кеше утырган залда чыгыш ясадык. Икенче елда тамашачы саны 500гә җитте. Хәзер инде ике көн тулы залда концертлар куябыз. Мин түгелме йолдыз?» – дип шаяртып алды Татарстанның атказанган артисты Фирдүс Тямаев Төмәннең «Тимерюлчы» мәдәният сарае сәхнәсендә. Чынлап та шулай. Бүгенге психологик авыр вакытларда яраткан тамашачысының күңелен күрергә, дөнья мәшәкатьләрен аз вакытка булса да оныттырып торырга тырышты ул.
Әлбәттә, ил өстенә төшкән кичерешләр Фирдүссез генә үтә алмый. Себердәге татарлар күпләп яшәгән шәһәрләрдә тамашачысын сөендереп кайтып килүче Тямаев өлкәбезнең татар егетләре белән...
Күптән түгел үзенең 70 яшьлек юбилеен каршылаган Яркәү районы, Тархан авылында яшәүче Әмирхан Бәширов өлкә депутаты Александр Анохин исеменнән: «Туган авылыгызның иҗтимагый тормышында актив катнашкан һәм күпьеллык намуслы хезмәтегез өчен рәхмәт белдерәбез. Урманчы вазыйфасында сезнең һөнәри эшчәнлегегез, тормыш тәҗрибәгез һәм авыл халкы арасында абруегыз яшь буынны тәрбияләүдә зур файда китерә. Сезгә нык сәламәтлек, бәхет, уңышлар, озын гомер телибез», - дип язылган Рәхмәт хаты белән бүләкләнде.
Ә бу көннәрдә хатыны Рауза Касыйм кызы белән гаилә корып яшәүләренә 50 ел булган булыр иде...
Төмән өлкәсе “Яңарыш” газетасының актив хәбәрчесе, публицист, педагогик хезмәт ветераны, халык мәгарифе отличнигы Альберт Урамаевның исән чагында чыккан “Аккан сулар кире кайтмый” беренче китабы белән күпчелек укучыларыбыз таныш. Китап 100 данә белән Төмән дәүләт университетының редакция-нәшрият бүлеге типографиясендә басылып чыкты. Бу китапның редакторы педагогика фәннәре кандидаты Клим Садыйков авторның икенче китабын чыгаруда да ярдәм күрсәтә.
Яңалыклары белән таныштырып: “Аккан сулар кире кайтмый” дип аталган беренче әсәрдә Альберт Урамаев үзенең нәселе белән бәйләп, себер...
Тубыл районы, Хуҗайлан авылында абзар тутырып мал асраучы, булдыклы, тырыш яшь гаиләләр яши. Илнара белән Рушан Казыймовларның гаилә корып гомер итүләренә 6 ел булган. Бердәм, тату гаиләдә әти-әниләрен сөендереп өч кызлары һәм уллары Хәсән үсеп килә. Кече кызлары Алиягә әле ике генә ай. Балаларына яшәү рәвешләре белән үрнәк булган Рушан белән Илнара бөтен эшне бергәләп эшлиләр, бер-берләренә ярдәмләшеп яшиләр.
Аларның хуҗалыкларында җәен-кышын эш кайнап тора. Илнара: “Мин тумышым белән Ваңгы авылыннан. Авыл хезмәтенә кече яшемнән өйрәнеп үстем. Хуҗайлан егете Рушанга тормышка чыкканда аның үз...
11 март көнне Төмән шәһәренең “Төзүче” милләтләр мәдәниятләре сараенда өлкәдә генә түгел, чит төбәкләрдә узган абруйлы конкурс-фестивальләрдә югары исемнәр алган, 2011 нче елда Казан шәһәрендә махсус чакыру белән “Яңа гасыр” телеканалында “Җырлыйк әле” тапшыруында катнашкан “Дуслык” халык җыр ансамбле матур концерт куйды. Тамаша күрергә килүчеләр саны күп булды. Матур милли киемнәрдән сәхнәгә чыгып баскан ханымнарны, ансамбльне 34 ел җитәкләүче Хәким Мирхәйдәровны тамашачылар көчле алкышлар белән каршыладылар.
Концерт программасын, гадәттәгечә, көр тавышлы нәфис сүз остасы Мөнирә Җәмәлетдинова югары...
Яркәү районы, Бурбарның апалы-сеңелле Гөлнура Руеваны, Дания Закированы авылдашлары хөрмәт итәләр, яраталар. Шәфкать туташы Гөлнура Винарис кызына күптән түгел 60 яшь тулса да, Яркәү район шифаханәсенә көн саен машинасы белән эшкә йөрүен дәвам итә. Аның нык, түземле булуына сокланырга гына кала.
Дания Винарис кызы Төмәндә икътисадчы-менеджер булып эшли. Уңышлы хезмәтен үти, коллегаларына булыша. Дания ханым белән тормыш иптәше хәзерге авыр чорда туганнарына, ярдәмгә мохтаҗ кешеләргә зур терәк. Балалары белән бергә булышырга һәрчак әзер торалар. Үзләренең шәхси йортларын тәртипкә...
Җир-анабыз балаларыннан нигъмәтләрен жәлләми. Суын, тозын, газын, кара маен, ташкүмеренме мулдан бирә. Төмән районында урнашкан Талымхан авылыбызда шахтер егетебез бар. Ул күп еллар дәвамында Пермь якларында шахтада эшләгән, җир куеныннан кара таш чыгарган.
Фатыйх абый Мөхәммәдьяров сугыш башланганда, әле тумаган да була. Әхмәталый Хәнәфи улы 1941 елның җәендә хәрби комиссариат чакыруы буенча фронтка җибәрелә. 1942 нче елның 23 апрелендә алтынчы бала булып Фатыйх дөньяга килә. Бераздан Нурулла белән Нургали абыйлары сугышка китәләр. Күз ачып йомганчы, дүрт ел үтеп тә китә. Гаилә...
Тубыл районының Якуб Зәнкиев исемендәге Хуҗайлан авылы мәктәбе музеенда кем генә булмаган! Монда истәлекле әйберләр, фото һәм тарихи документлар, экспозицияләр, 1000гә якын экспонат җыелган. Аларның тарихын белгән, музейның алыштыргысыз җитәкчесе булып күп еллар эшләгән, музейны бизәүче, рәсмиләштерүче, мәктәптә 45 ел хезмәт иткән ветеран укытучы Галия Мөслимова быел 75 яшен каршылый.
Башлангыч сыйныф укытучысы, пионервожатый, педагог оештыручы, завуч вазыйфасын башкарган мөгаллимә мәктәп музеенда эшләгән чорны, беренче остазы, мәктәп директоры Якуб Зәнкиевны җылы сүзләр белән искә...
Хәсениза Ибраһимова Төмән районының Талмы авылында 1922 елның 21 январенда туа. Әтисе Колчак һәм әнисе Хәлимәнең олы кызы була ул. Әбием сөйләвенчә, зур гаиләдә эне һәм сеңелләренә булышып үскән, хезмәт күп эләккән. Ике сыйныфны тәмамлагач (латин алфавиты белән укыган), алга таба укырга мөмкинлеге булмаган. 1942 елның 5 февралендә ул Бөек Ватан сугышы ветераны Хәлитулла Зөлбохаровка кияүгә чыга. Колхозда басуда эшли, балаларны тәрбияләү белән шөгыльләнә, гаиләдә алар 9ау була. Аннан оныкларны үстерергә дә ярдәм итә, хәзер 18 оныгы, 24 оныкчыгы һәм бер оныкчык баласы бар.
Әбинең куллары алтын безнең...
Матур әдәбиятта ана образын гәүдәләндергән әсәрләр бик күп. Шагыйрьләребез, язучыларыбыз үлемсез әсәрләрендә Аналарга дан җырлаган. “Мәхәббәт тәүбәсе” исемле поэмасында Һади Такташ:
“Ана – бөек исем,
Нәрсә җитә ана булуга!
Хатыннарның бөтен матурлыгы,
Бөтен күрке – ана булуда”, - дигән.
Безнең Талымхан авылында күпне күргән, тормышның ачысын-төчесен татыган әби-бабайларыбыз күп. Дөньяда гасырга якын – 95 яшь гомер иткән Мохупчамал әби Хәнәфиева шундыйларның берсе.
Берзаман иптәшем белән бергә Яркәү районының Карагай авылында кунакта булдык. Ерак җирне якын итеп килеп, Талымхан авылыннан...
Ерак 1986 елда тыйнак кыз Фәйрүзә Урозаева Уват районына килә. Шунда ук биредәге урыннарның әкияти табигате, текә ярлы чал Иртеш, күпсанлы елгалар һәм күлләр, гөмбә һәм җиләк-җимешләргә бай урман аның күңелен яулап алалар. Бигрәк тә аңа биредә яшәгән ачык йөзле һәм хезмәт сөючән кешеләр ошый. Авылның төп байлыгы-күп балалы гаиләләр. Балалар яхшы укырга тырышалар, белемгә тартылалар. Киләчәктә алардан төрле һөнәр ияләре, белемле кешеләр үсеп чыга. Хәзер Төмән өлкәсенең һәм илебезнең төрле почмакларында хезмәт итәләр. Алар белән авыл горурлана.
Героебызның язмышына бераз күз салыйк. Тубыл педагогия...
