Март 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Тубыл округы, Сабанак авылының Имаметдин шәех исемендәге мәчетендә ифтар үткәрделәр. Ураза тоткан авыл халкы, күрше авыллардан, шәһәрдән килгән кунаклар изге ният белән үткәрелгән мәҗлестә катнаштылар. Тубылның тарихи мәчетеннән килгән Фәннүр хәзрәт Казыймов вәгазь сөйләде, Коръән сүрәләрен укып, догалар әйткәннән соң, мәчеткә килүчеләр намазга бастылар. Мәчет каршында оештырылган чарага авыл халкы, күрше авылдан, шәһәрдән дә килгән милләттәшләребез җәмәгать белән намаз укыдылар. Фәннүр хәзрәт Казыймов ифтарларның Аллаһы Тәгалә тарафыннан кабул булуын, кешеләргә игелек, имин тормыш, дөньяларга тынычлык теләде. Илфат хәзрәт Абдуллин, Ильяр Колмәмәтов милли табын әзерләүдә ярдәм итүчеләргә рәхмәтләрен әйтеп, теләкләрен юлладылар. Мәрхүмнәрне, бу мәчеттә хезмәт иткәннәрне җылы сүзләр белән искә алдылар.
Сабанак мәчетендә ифтар ашын оешкан төстә, аралашып үткәрделәр. Күңелләребезне сафландырган изге Рамазан аенда игелекле гамәлләрне мөмкин кадәр күп эшләргә тырышып яшәргә өндәде хәзрәтләр. Күркәм, саваплы гамәлне оештыручыларга монда яшәүче, ураза тотучы авыл халкы рәхмәтләрен белдерде. Изге ният белән үткәргән дини чараларны Аллаһы кабул итсен. Киләсе Рамазан айларын шатланып каршы алырга язсын.
Римма УМИТБАЕВА.
Рәсемдә: ифтарда.
