Апрель 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Төмән өлкәсендә татар мәдәнияте көннәренең ачылышы Төмән шәһәренең татар мәдәният үзәгендә узды. «Таң йолдызы-2026» төрки телле халыклар иҗатының XXV өлкә конкурсы кысаларында миңа «Декоратив-гамәли иҗат һәм рәсем сәнгате» номинациясе буенча жюри эшендә катнашу бәхете эләкте һәм мин үземнең тәэсирләрем белән уртаклашырга булдым.
Күргәзмә чын мәгънәсендә якты һәм күптөрле иде. Тәҗрибәле педагоглар: Әлмирә Галиева, Оксана Рутт һәм Мария Марковский җитәкчелегендәге «Этнос» иҗади үсеш һәм гуманитар белем бирү үзәгендә тәрбияләнүчеләр, гадәттәгечә, актив катнашучылар булдылар. Яшь осталар декоратив-гамәли сәнгатьнең төрле жанрларында эшләүләрен күрсәттеләр: йомшак уенчык, театр курчагы, витраж, декоратив бизәлеш, панно. Бигрәк тә катнаш техникада папье-маше һәм тегү эшләренең барлыкка килүе сөендерде - бу техникада мәктәп курчак театры өчен татар әкиятләре мотивлары буенча персонажлар булдырылды. Бу иҗади фикерләүнең үсеше һәм экспериментка омтылуы турында сөйли.
Һичшиксез, жюри эше барышында педагогларга тәкъдимнәр бирелде - аерым алганда, керамика буенча декоратив бизәкләү техникасын камилләштерү һәм витраж эшләрен башкару турында. Мондый профессиональ диалоглар һәрвакыт балалар иҗатының сыйфаты үсешенә ярдәм итә. Халык осталарының катнашуы да матур традициягә әйләнде. «Корама» кул иҗаты клубы себер татарларының тегү традицияләрен саклау һәм торгызу белән актив шөгыльләнә. Үз эшләрен тәкъдим иткән Фәүсия апа Марганова җитәкчелегендә һәм ярдәме белән Райфә Хучәхмәдова һәм Лилия Кодированың иҗади эшләре дә күрсәтелде. Осталар милли костюмның (изү, түбәтәй, калфак, сарауцлар) традицион элементларын гына түгел, ә этностильдә заманча дизайнер аксессуарларын да тудыра. Лилия Митхәт кызының корамалы юрганы аерым соклануга лаек - чын сәнгать әсәре! Күргәзмәдә үзенчәлекле халык рәссамы һәм Ямбай мәдәният йортының түгәрәк җитәкчесе Лилия Хәлиуллинаның эшләре аерым урын алды. Алар иҗатының тирәнлеге, техникасының күптөрлелеге һәм традицияләргә сакчыл мөнәсәбәте белән аерылып тора.
Күргәзмә чираттагы тапкыр мәдәни мирасны саклауның никадәр мөһим булуын күрсәтте, аны балаларга иҗат аша тапшырды. Нәкъ менә шундый проектларда традицияләргә хөрмәт формалаша, нәфис зәвык үсә һәм туган мәдәнияткә мәхәббәт туа.
Ольга БАКИЕВА, Төмән шәһәре.
(Лариса Тузмөхәммәтова тәрҗемәсе).
Рәсемдә: күргәзмәдә.
