Январь 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Тубыл шәһәре иҗтимагый хатын-кызлар оешмасы «Ак калфак» күп балалы гаиләләрдә тәрбияләнгән, әтиләре МХОда булган балаларны Яңа 2026 нчы ел белән котлап бүләкләр тапшырды. Чара шәһәрнең «Себернең энҗесе» сәүдә үзәгендәге матур чыршы тирәсендә котлаулар, җылы сүзләр, шигырьләр сөйләү, яңа ел теләкләре белән башланды. Бүләкләр алучылар арасында төрле яшьтәге балалар, ата-аналар да булды. «Ак калфак» оешмасы рәисе Айсылу Юнысова: «Балаларны шатландыру, алар белән очрашуны, балалар өчен төрле чаралар оештыруны безнең оешма вәкилләре дә шатланып көтеп алалар һәм теләп ярдәм итәләр. Нинди генә чара булмасын безгә шәһәр Думасы рәисе Михаил Никитин булышлык күрсәтә. Быел «Яңа ел белән котлау» акциясен аның ярдәме белән оештырдык.
Яңа ел бүләген шатланып кабул итүчеләр исеменнән аңа рәхмәтләребезне белдерәбез. Ел дәвамында 24 мәдәни чара үткәрдек. «Ак калфак» оешмасы вәкилләрен таныйлар, җылы каршы алалар. Яңа елда да гореф-гадәтләребезгә хөрмәт тәрбияләгән, мәдәниятебезне саклаган чараларны дәвам итеп эшләргә язсын. Балаларның балачак хыялларын тормышка ашырырга ярдәм иткән, күңел җылысы белән әзерләнгән милли ризыклар бәйрәмен мәктәпләрдә, балалар бакчасында, «Балачак йортында» без быел да үткәрергә планлаштырабыз. Традициягә кергән бәйрәмнәрне балалар җылы каршы алалар. Барлык чараларда актив катнашкан Фәридә Локмановага, Әминә Биктимировага, Лилия Саликовага рәхмәтлемен. Нинди генә проект булмасын, балаларга буш кул барып булмый. Бу мәсьәләне чишүдә улым Эдуард Юнысов ярдәм итә. Изге эшләрне башкаруда ярдәм итүчеләрнең барысына да эшләрендә уңышлар телим», - диде. Яхшылык, игелек эшләү җирдә ятмый.
Римма УМИТБАЕВА.
Рәсемдә: бәйрәмдә.
