Январь 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Халыкара авыл хатын-кызлары көненә Урманбаш авылы кызлары аеруча теләп әзерләнделәр. Чара үткәреләчәк йорт билгеләнде (авылыбызда клуб юк). Алар татар халык ризыклары пешереп, бөтен өстәлне тутырдылар. Үләннәрдән тәмле чәй кайнатып сыйландылар. Бию, җыр белән бәйрәм бик күңелле үтте.
Авылыбызның хатын-кызлары үзләренең активлыклары, аш-суга осталыклары белән аерылып торалар. Былтыр үтеп киткән авылның 315 еллыгында алар искиткеч табын әзерләп, төрле төбәкләрдән җыелган күп сандагы кунакларны сыйладылар.
Әле ул гынамы, өлгереп килүче мәчеткә килгән кунакларга хөрмәт күрсәтәләр.
Савымчылар, бозау караучылар булып эшләп ялга чыккан бу ханымнар әле дә активлар. Алар намуслы, тәрбияле балалар үстереп, аларны зур тормыш юлына бастырып, аларның рәхәтен күреп яшиләр. Бу балалар шәһәрдән кайтып, мәчет төзелешендә катнаштылар. Хәзер, кайткан арада, намазга йөриләр. Миңсылу Гайнетдиновага, Гөлзилә Гайфетдиновага, Саҗидә Сафиуллинага, Мәдинә Хәйруллинага, Әлфия Хәйруллинага, Хәтирә Ягудиевага рәхмәтләрем зур. Һәрвакыт ачык йөзле, кунакчыл булып калыгыз!
Гөлнур ХӘЙРУЛЛИНА,
Түбән Тәүде округы, Урманбаш авылы.
