Январь 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Төмән округының Индрәй авылында яшәгән Имәгат Вәлишин вафат булды. Яхшы кеше - кайгыртучан ул, тугрылыклы ир, үрнәк әти мәңгелек дөньясына күчте.
Балачактан ук тәрбияле, интеллигент егет булып үсте ул. Сыйныфташы сүзләренчә, Имәгат яхшы укыган, тыныч, сабыр булган, беркемне дә рәнҗетмәгән, моның өчен аны сыйныфта барысы да яраткан. Аның бертуган абыйлары һәм сеңелләре юк иде, ләкин аны хөрмәт иткән, аңа һәрнәрсәдә ышанган дуслары күп иде. Тормышта күп нәрсәгә үзе иреште, беркемнең дә ярдәмен көтеп тормады. Максатчанлыгы, принципиальлеге ярдәмендә грамоталы, профессиональ юрист булды. Авыр тормыш хәлләрендә туганнарына, авылдашларына ярдәм итте, беркемгә дә ярдәм итүдән баш тартмады. Яхшы күңелле, кешелекле, намуслы, гадел кеше иде, шуңа күрә тирә-юньдәгеләр арасында ихтирам казанды.
Совет Армиясендә хезмәт иткән елларда Чернобыль авариясе һәм Таулы Карабахтагы конфликт учагы аша уза ул. Барлык сынауларны да лаеклы кичерә, Ватанның лаеклы бүләкләрен ала.
Хезмәттән соң туган авылына кайта, гаилә кора, ике ул атасы була. Өлкән улы хәзер махсус хәрби операциядә ил мәнфәгатьләрен яклый.
Имәгат Риваль улының вакытсыз китүе - туганнары, якыннары, барыбыз өчен дә зур югалту. Кече ватанының, үз иленең лаеклы улы булып хәтерләрдә калачак ул!
Әнисә РАМАЗАНОВА,
Төмән шәһәре.
