Февраль 2026 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Иң зирәк, иң игелекле, иң иҗади һөнәр - педагог һөнәре дияргә була. Бүген сүзебез Төмән округының Ямбай авылында яшәүче искиткеч педагогик хезмәт ветераны Хәмтия Гаврилова турында. Хәмтия Вәли кызы Тубыл округының Тубылтора авылында туа. Урта мәктәпне тәмамлагач, Д.И.Менделеев исемендәге Тубыл педагогия институтына укырга керә. Анда урта мәктәпнең математика укытучысы квалификациясен алып, 1973 елның сентябрендә яшь, энергияле, чибәр укытучы үзенең беренче укучыларын Кугаевская сигезьеллык мәктәбендә каршы ала, ә 1978 елдан хезмәт эшчәнлеген Ямбай урта мәктәбендә дәвам итә. Хәмтия Вәлиевна эшенә бөтен мәхәббәтен, җанын, тугрылыгын биреп эшләде. Озак еллар ул мәктәп директорының
укыту эшләре буенча урынбасары була, югары сыйныфларда алгебра, геометрия фәннәрен укыта, ачык дәресләр бирә, укытучылар өчен методик берләшмә утырышлары үткәрә, яшь белгечләргә ярдәм күрсәтә. Хезмәт уңышлары өчен районның, өлкәнең, төбәкнең Мактау грамоталары, Рәхмәт хатлары белән бүләкләнә. Ул - «Хезмәт ветераны», «РФнең гомуми белем бирүнең мактаулы хезмәткәре» күкрәк билгесе белән бүләкләнгән. Лаеклы ялда булуына карамастан, 75 яшьлек Хәмтия Вәли кызы бер урында утырмый, математика мәсьәләләрен чишәргә булыша, авыл тормышында, укучылар, чыгарылыш сыйныф укучылары белән очрашуларда катнашуын дәвам итә. Ул шундый кеше: бердәнбер педагогик юлны үзе дә лаеклы үтеп, бүгенге көнгә кадәр яшь буынга да шундый юлны табарга булыша. Рәхмәт сезгә, Хәмтия апа, барысы өчен дә!
Ямбай ветераннар советы.
(Нәсимә Ташбулатова тәрҗемәсе).
