Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Яңа китап - «Көлсәң көл» диеп исемләнгән мемуарлар (баштан үткән, күргән һәм ишеткән вакыйгалар турында язылган әдәби әсәр), димәк истәлекнамә җыентыгының презентациясе 23 мартта Бөтендөнья китап һәм авторлык хокукы көнендә 18 нче Төмән шәһәре китапханәсендә Россия халыкларының мәдәни мирас елы кысалары уңаеннан узды.
Әлеге китапханә мөдире Луиза Сөрмәтова - музыка белгече, фольклорчы, себер-татар халык һәм эстрада җырларын башкаручы, җәмәгать эшлеклесе һәм чараның алып баручысы да булды. Шуңа күрә очрашу кызыклы һәм күңелле генә түгел, музыкаль да үтте.
Китап авторы Фәүсия Марганова - юрист, өлкә себер...
Коронавирус пандемиясе аркасында 2 ел буена иң изге, иң якты, иң көтеп алган 9 май – Җиңү көнендә парадка һәм «Үлемсез полк» акциясенә чыга алмадык, алар онлайн форматта узды.
Быел, ниһаять, Бөек Ватан сугышы тәмамлануының 77 еллыгын элеккечә гади форматта үткәрдек. Һава торышы шушы олугъ бәйрәм уңаеннан безгә зур бүләк ясады: көн искиткеч җылы торды, кояш көнозын кыздырды.
Иртәнге сәгать унда Төмәннең Республика урамы буйлап парадта, «Үлемсез полк» акциясендә катнашучылар җыелды. Парадта ТВВИКу курсантлары, кадетлары, гадәттән тыш хәлләр, эчке эшләр министрлыклары хезмәткәрләре...
Төмәннең «Медовый крае» турында күптән ишетеп беләбез, мәкаләләрдә дә бу атама билгеләнеп үтелә. Ләкин ныклап, җентекләп бу оешма турында язылмаган әле. Ниһаять, «Медовый край» оешмасын булдыручы һәм аның директоры Рият Фәйзуллин белән сөйләшү мөмкин булды. Балны, гадәттә, Татарстан, Башкортостан якларыннан алып киләләр, Ялутор районында да бал кортлары асраучылар барын беләм. Ә менә Рият Рәис улы бу авыр, катлаулы, четерекле эшне ничек башлап җибәргән икән? Үзеннән сөйләтик әле бу турыда:
- Институтны тәмамлап, инде «Төмән моторлар төзү» заводында инженер булып эшләп йөрим, кулыма...
Авыл йөзен анда яшәүчеләр билгели. Аның төп байлыгы - тырыш, уңган, хезмәт сөючән кешеләре. Бай тарихлы Тархан авылын данлаган балта осталары, тегүчеләр, бәйләүчеләр, келәм сугучылар, пойма басучылар, балык тотучылар, бакчачылык һәм бал кортлары белән шөгыльләнүчеләр – безнең горурлыгыбыз! Ә менә алар белән беррәттән совхоз терлекчеләре арасында да тирә-юньдә яхшы нәтиҗәләргә ирешеп танылган кешеләребез күп булды. Шулар арасында мин Шәүкыя апа Камалованы әйтер идем.
1942 елны илебездә каты сугыш барганда, матур Ялутор районының Атьял авылында бишенче бала булып Шәүкыя апа дөньяга килә...
Бу язманың герое яшь буынга белем биргән, авыл халкының хөрмәтен, рәхмәтен яулаган - Равилә Корманбакиева. Ул Олы Каскара авылында туып-үскән. Ямбай мәктәбендә укып, белем алган. Мәктәптә укыганда апабыз төгәл фәннәргә сәләтле булган. Укытучы һөнәрен сайлаганчы, ул үзен бик күп төрле һөнәрләрдә сынап карый. Аннары Төмән дәүләт университетының химия-биология факультетына укырга керә. Матур, гамьсез студент тормышы белән яшәп ятканда, кинәт, 49 яшендә генә әнисе үлеп китә.
Бу хәл Равилә апага бик тирән тәэсир ясый. Иң кече энесенә әле 12 яшь кенә була. Ярый әле әбисе исән булып, аларга ярдәмләшеп...
Редакциягә туганын газетада юбилее белән котларга мөлаем йөзле, аралашучан хатын-кыз керде. Без дөнья хәлләре, яңалыклар белән бүлешеп, якташыбыздан үзе турында сорадык.
- Рәйсә Риза кызы Әхмәтова булам. Тубыл районы, Күкрәнде авылында Бөек Ватан сугышы тәмамлангач, 5 елдан соң туганмын, бүгенге көндә Төмәндә яшим, - дип үзе белән таныштырды ул.
Без Рәйсә ападан ата-бабалары, туганнары, Бөек Ватан сугышына карата күңел түрендә сакланган мәгълүматлар, истәлекләр турында сораштык
- Әтием – Риза Шәриф улы Вәлитов. Әнием – Сара Зәйнетдин кызы Ермышева. Сугыш вакытында алар...
Бүген сүз бөек татар сәнгате эшлеклесе Бакый Урманченың 125 яшьлек юбилее турында барачак.
Скульптор Бакый Урманче 1967 елда татар мәдәниятенең күренекле эшлеклеләре Габдулла Тукай, Муса Җәлил, Фатих Әмирхан, Габдулла Кариев, Галимҗан Ибраһимовның скульптур портретлары өчен Габдулла Тукай исемендәге Дәүләт премиясенә лаек була.
Татарстанның һәм Россия Федерациясенең халык рәссамы, Казахстан Республикасының атказанган рәссамы Бакый Идрис улы Урманче 1897 елның 23 февралендә Татарстанның хәзерге Буа районы, Күл Черкене авылында туа һәм зур нәтиҗәле тормыш белән яши. Идел буеның Тау ягы үзенең мәдәни тотрыклылыгы, гореф-гадәтләре, сәнгати иҗаты белән танылган. Ул...
23 февраль көнне, без, илебезнең барча халкы, хәрбиләрне, гаскәриләрне генә түгел, ә Ватаныбызны саклап калу өчен үз гомерләрен корбан иткән һәм дә япон-немец илбасарлары белән аяусыз сугышларда катнашып та исән кайткан ветераннарның якты, онытылмас истәлекләре алдында баш иябез.
Мин дә Ялутор районы, Кактамак авылында туып-үскән Бөек Ватан сугышы ветераннары, инде якты дөнья белән саубуллашкан абыем Камил Борһанетдин улы һәм аның замандашы – Хәким Гадеев, аларның гаиләләре сугышта һәм хезмәттә күрсәткән батырлыклары турында илебезнең төрле төбәкләрендә яшәүчеләргә белдерергә...
Хәзер, COVID-19 пандемиясе шартларында, барлык медицина хезмәткәрләре, шул исәптән фельдшерлар, авыр шартларда эшләргә мәҗбүр.
19 нчы өлкә хастаханәсенең Богандинка поликлиникасы филиалының кичектергесез медицина ярдәме кабинетында фельдшер Зөлфия Кәлимуллина эшли.
Поликлиникада кичектергесез ярдәм - шул ук ашыгыч медицина ярдәме, диләр. Табибларга эш җитәрлек, чөнки хроник, респиратор авыруларны беркем дә гамәлдән чыгармаган. Кешеләр кичектергесез ярдәмне хәтта кан басымы артса да, башы яки аркасы авыртса да, температурасы күтәрелсә дә чакырта. Бер сменада фельдшер 40ка якын пациентның өйләренә бара – бу...
Тубыл педагогия институтының рус-татар бүлегендә 1991-1996 елларда укыганда, төркемебезнең кураторы – рус теле укытучысы Сәгыйдә Гадершина булды. Еллар узган саен ачык йөзле, гадел, сабыр Сәгыйдә Мөхәмәдовнаның никадәр безнең, татар кызларының һәм малайларының, белемле, тәртипле булулары өчен янып-көеп яшәгәнен аңлыйсың. Бөтен гомерен мәгарифкә багышлаган укытучы рус теле дәресләрендә нык таләпчән, җитди иде. Апаның кычкырып диктант укуы, хаталар ясасак, каты борчылуы күз алдында. “Кызлар, укыгыз, сынатмагыз, тырышыгыз!”, - дип еш әйтә иде.
Авыр 90 нчы еллар барды. Без, студентлар, өлкәнең төрле...
“Спорт – тормыш нормасы” төбәк проектын тормышка ашыру кысаларында Тубыл районы мәктәпләренең физкультура укытучылары һәм спорт буенча инструкторлары арасында «Яшәү урыны буенча иң яхшы спорт инструкторы» конкурсы уздырылды. Беренче тапкыр үткәрелгән әлеге бәйгедә районның 15 авыл хакимиятеннән спорт буенча 17 инструктор катнашты. Конкурс таләпләре буенча алар 2021 елгы эш нәтиҗәләре буенча аналитик белешмәләр бирергә тиеш булдылар.
Конкурс комиссиясе катнашучыларны 9 күләм һәм сыйфат күрсәткечләре буенча бәяләде. Авыл җирлегендә даими рәвештә физкультура һәм спорт белән шөгыльләнүчеләр өлеше, шул исәптән балалар һәм яшьләрнең...
Кеше гомере өчен үзләрен аямый миһербанлы якташларыбыз сугышларда, катастрофаларда, пандемияләрдә алгы сафта булып җиңү китергәннәр. Яркәү районы, Бурбар авылының Мәүлекәй, Сәйбүкәй дә шундыйлардан булганнар. Алар өсләреннән эш киемнәрен салмаганнар да. Шушы якташларыбызның киләчәк буыннары да яшьли Ватан өчен гомерләрен биргәннәр.
Алар Россиядә генә түгел, Польшада, Венгриядә, Австриядә, Финляндиядә һәм башка чит ил туфрагында яталар. Алар: Бәшировлар, Ательшиннар, Мамасалеевлар, Иске һәм Яңа Кәешкүлдән Мөхәммәтчиннар. Кайберләре кайнар нокталар - Әфганстан, Кавказ җирләрендә...
Тубыл районындагы Байкалово авылында туып-үскән Асия Сиаутдинованы өлкә күләмендә генә түгел, ә илебездә танылган, Ирек авылы клубы каршында эшләп килгән “Туган тел” фольклор-этнография ансамбленең җитәкчесе буларак беләләр.
Хәтта аларны “Россия-1”, “Мәдәният” үзәк каналларыннан, “Дөнья” программасында күрсәттеләр, Төмән төбәгендә чыгып килүче тапшырулар авторлары сюжетлар әзерләделәр. “Туган тел” ансамбле турында яңалыклар өлкә газетабыз “Яңарыш”та да яктыртылып бара.
22 ел татар юнәлешендә эшләгән, тормышы, яшәү рәвеше татар мәдәнияте белән бәйле булган Асия апа авыл клубында эшли башлаган елларны...
Үткән ел ук инде Россия Дәүләт Думасы өченче укылышта Россия Салым кодексына төзәтмәләр кабул итте. 2022 елдан башлап гражданнар физкультура-сәламәтләндерү хезмәтләре өчен социаль салым тотып калынган акчаны ала алачак.
Аңлашылганча, НДФЛ буенча салым базасын билгеләгәндә гражданин оешма яки шәхси эшмәкәр күрсәткән физкультура-савыктыру хезмәтләре өчен түләгән акчадан салым кайтара ала. Салымны 18 яшькәчә балалар өчен дә алырга мөмкин. Оешма һәм шәхси эшмәкәр өчен физкультура-савыктыру хезмәтләре күрсәтү төп эшчәнлек булырга тиеш.
Салым акчасы чыгымнар күләмендә биреләчәк, әмма...
1942 нче елны Башкурды авылында гаиләдә дүртенче бала булып туган Тимербикә Фәйзулла кызына әтисен күрергә насыйп булмый. Сугышка кадәр Фәйзулла Мәхмүт улы авылда сатучы булып эшли. 1941 нче елны ул Бөек Ватан сугышына китә һәм туган якларына әйләнеп кайтмый. Әнисе Хатыйбә Әбүсәгыйть кызы ул елларда Башкурды авылындагы колхозда эшли. Сугыш елларында Тимербикәнең бертуганнары Булат белән Люция вафат булалар.
Тимербикә апа Әхмәтҗанова балачак елларын искә алып: “Әнием исемемне көчле булсын, сынауларга бирешмәсен дип биргән. Авылыбызда Бөек Ватан сугышы елларны авыл хатын-кызлары...
