Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
8 декабрь көнне Төмән тамашачысы “Төзүче” мәдәниятләр йортында “Саф хисләр” дип исемләнгән концерт карап, рухи канәгатьлек кичерде. Биредә өлкәдә генә түгел, чит регионнарда үзләрен таныткан “Дуслык” (җитәкчесе Х.Мирхәйдәров), “Әхтәмүшки” (Ә.Назыров) халык җыр ансамбльләре белән беррәттә яшь җырчылар да катнаштылар. Кичәне матур итеп мәдәният йортының татар мәдәнияте бүлеге мөдире Гөлнара Кәримова алып барды. Концерт турында фикерләре белән бүлешеп Нәфисә Тузмөхәммәтова: “Концерт бер тында үтеп китте. Яраткан җырчыларыбыз белән яшь җырчылар да катнашуы тамашага яңалык өстәде. Ике сәгать дәвамында барган концертта татар халык көйләрен, замана җырларын, дәртле биюләрен, моңлы гармун, курай тавышларын рәхәтләнеп тыңладык.
Бөтендөнья татар Конгрессы һәм “Татмедиа” агентлыгы оештырган “Яңа заман шартларында татар журналистикасы” дип аталган, беренче мәртәбә яңа форматта узган семинар-укуда Россия регионнарында яшәүче татар телле һәм татарлар турында язучы басма, электрон матбугат вәкилләре, радио, телевидениедә эшләүче журналистлар катнаштылар. Семинар кысаларында оештырылган лекцияләрне илебезнең төрле төбәкләреннән килгән 50гә якын массакүләм мәгълүмат чаралары вәкилләре тыңладылар. Лекцияләр алдында журналистларны Бөтендөнья татар Конгрессының милли шура рәисе Васил Шәйхразиев сәламләде, аннары “Яңа заман шартларында басма матбугатны әзерләү” темасына “Шәһри Казан” газетасының, “Сөембикә” журналының баш мөхәррире Гөлнара Сабирова чыгыш ясады. Ул тәҗрибәсе белән уртаклашып, укучылар арасында кызыксыну уяту ысуллары, даими язучылар өчен конкурслар үткәрүләре, сайт эшчәнлеге, социаль челтәрләрдә эшләү үзенчәлеге турында сөйләде.
29 ноябрь көнне Төмән шәһәр татар мәдәният үзәгенең кунакханә залында өлкә татар милли-мәдәни автономиясенең чираттан тыш утырышы узды. Утырышны өлкә автономиясе рәисе Ришад Зиганшин алып барды. Чара бакыйга күчкән актив җәмәгать эшлеклеләрен аягүрә басып искә алудан башланды. Төп өлешне өлкә автономиясенең мәгариф һәм фән комиссиясе рәисе, филология фәннәре докторы, профессор Хәнисә Алишина узып баручы елда нинди эшләр алып барылганы, нәтиҗәләре турында тулы отчет ясады. Һәм “Сөләйманов укулары” XXI фәнни-гамәли конференциясен уздыруда ярдәм иткәннәргә Рәхмәт хатлары тапшырды. Аннары автономиянең эшен уңышлы итәр өчен Хәнисә Чәүдәт кызы: “Туган телебезне, мәдәниятебезне, тарихыбызны югалтмыйк дисәк:
6 декабрь көнне “Нефтяник” мәдәният сараенда өлкәдәге иң алдынгы районнарның берсе – Төмән районы 95 еллык юбилей тантанасын бәйрәм итте. Районның иң дәрәҗәле, уңган, тырыш, белемле җитәкчеләре, хезмәткәрләре, ветераннары һәм кадерле кунаклар җыелган иде бу көнне залга. Аларга һәр катта кызыклы күргәзмәләр әзерләнгән. Күренекле рәссам Юрий Рыбьяковның райондагы авыллардан күренешләрне сүрәтләгән рәсемнәре, төрле осталарның “Мин монда яшим!” фотокүргәзмәсе, “Төмән районында сәүдәгәрлек” фотозонасы, икенче каттагы “Квартет” кондитер фабрикасы тәм-томнары белән шифалы чәй дегустациясе, өченче каттагы “Төмән районы – мөмкинлекләр территорисе” интерактив күргәзмәсе яныннан беркем дә читләтеп үтмәде.
1 декабрь көнне Төмән шәһәренең әдәби-туган якны өйрәнү үзәгендә Фәрхәд Абдалим улы Шамурадовның “Бигәтен авылы тарихы” дигән китабының тәкъдим итү чарасы булып үтте. Яшь автор туган авылының тарихын язарга максат итеп куйгач, авылның өлкән яшьтәге әби-бабайлары белән сөйләшеп, архивларда казынып бай материал туплый. Төмән өлкәсе картасында кечкенә генә нокта белән күрсәтелгән Бигәтен авылы тарихына, халкына, ыруг-токымнарына багышланган әлеге китапка 38 нәсел схемасы һәм архив документлары, авыл халкының сөйләгәннәре, фотографияләр кертелгән.
Чараны филология фәннәре кандидаты Максим Сагидуллин алып барды. Китап турындагы фикерләрен белдереп өлкә себер татарлары автономиясе рәисе Фәүзия Марганова, өлкә фәнни китапханә хезмәткәре Гөлнур Әхмәтова, педагогия фәннәре кандидаты рәссам Радик Җаббаров чыгыш ясадылар.
Александр Моор: работу по улучшению инвестиционного климата нельзя останавливать. Кече һәм олы проектлы бизнесны булдыру өчен шартлар комфортлы һәм дусларча булырга тиеш. Бу турыда губернатор А.Моор инвестицион климатны яхшырту һәм Төмән өлкәсендә кече һәм урта эшкуарлыкны үстерү буенча Совет утырышында белдерде.
Регионның экономик үсешен һәм һәр кешенең тормыш сыйфатын яхшырту юнәлешен төп максат итеп куйды үзенең юлламасында өлкә башлыгы.
1 сентябрьдән 2019 елның беренче яртыеллыгына матбугатка язылу башланды.
Язылу бәясен “Почта России” бераз арттырды:
6 айга - 342 сум 18 тиен,
3 айга - 171 сум 09 тиен,
1 айга - 57 сум 03 тиен,
Бөек Ватан сугышы ветераннары, I һәм II группа инвалидлары,шулай ук “До востребования” ысулы белән арзанрак бәягә язылырга була.
“Яңарыш”ның ндексы - 54313.
