Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
- Яшенле яңгырдан соң һәрвакыт ягымлы кояш чыга! Тормышта да шулай: авырлыклардан соң җиңеллек килә, бары тик аларның узуын сабыр гына көтеп алырга кирәк!
- Тормышта матурлыкны һәр нәрсәдә күреп була: яшен һәм буран вакытында, аяк астында һәм күктә, ябык һәм ачык күзләр белән... Барысы да безнең ничек кабул итүдән тора... Күзләрегез, йөрәгегез һәм җаныгыз күргән һәр нәрсәдән куаныч алыгыз.
Интернеттан
Янгынга каршы көрәшүчеләр үз гомерләрен куркыныч астына куялар. Кыю, авырлыклар алдында югалып калмаган һөнәр иясе Салават Тимергалиев Менделеево урта мәктәбендә гомуми белем алып, армия сафыннан хезмәт итеп кайтканнан бирле, янгын сүндерүче булып 20 елга якын эшли. Янгын сүндерүче һөнәре җәмгыятьтә кирәкле һөнәрләрнең берсе булып санала.
Үз гомерләрен куркыныч астына куеп, янгынга каршы көрәшүчеләрнең хезмәте турында Тубыл шәһәренең 37 нче янгын сүндерү бүлегендә өлкән янгын сүндерүче Салават Газинур улы: ”Без бүлек командасы белән шәһәрдә һәм районда эшлибез. Кешеләр сүнмәгән тәмәке төпчегеннән...
17 нче май көнне Төмән шәһәре мәктәпләренең чыгарылыш сыйныф укучылары өчен соңгы кыңгырау яңгырады. Быел, гамәлдәге югары әзерлек режимына бәйле рәвештә, тантаналы линейкалар урамда үткәрелде. Әйтергә кирәк, бу көнне һава торышы сынатмады. Май аендагы җәйге эсселек, шау чәчәккә күмелгән алма, шомырт, сирень агачлары бәйрәмгә әкияти ямь өстәделәр. Төмәннең башка мәктәпләрендәге кебек, 31 нче мәктәптә әти-әниләр рөхсәт ителгән дистанциядә генә катнашты.
Укучыларны директор, сыйныф җитәкчеләре, беренче укытучылары котлады. Алар балаларга бәхетле юл, уңышлар һәм һөнәрне дөрес...
Май аенда Бөтенроссия робот техникасы олимпиадасының регионара этабы тәмамланды. Ул Төмән өлкәсендә робототехника һәм прототиплаштыруны үстерү буенча төбәк ресурс үзәге җитәкчелегендә оештырылды. Олимпиадада Төмән, Ялутор, Казанское районы, Ханты-Манси автоном округыннан 70 яшь инженер катнашты. Бәйге берничә юнәлеш буенча узды: WeDo - иҗади һәм төп категорияләр, WRO – төп категория, катнашучылар яшьләренә карап 3 төркемгә бүленде.
2021 ел сезонының «Энергоботлар - энергетиканың киләчәге» тематикасын сайлап алу яңартыла торган чыганаклардан чиста энергия куллану буенча яңа юллар эзләү белән...
Мәчеттә бер яшь егет мулла янына килеп:
- Мин бүтән мәчеткә килмим! – дип әйтә.
- Ни өчен? – дип сорый мулла аптырап.
- Чөнки сез вәгазь сөйләгән вакытта янымда утыручылар үзара сөйләшеп, кешеләрне тикшереп утырдылар. Кайберәүләр күзләрен телефоннарыннан алалмадылар. Бу әле мин күргәннәремнең берничәсен генә сезгә әйтүем, - дип әйтә егет.
Мулла бераз уйлап тора да:
- Ярый, тик киткәнче миңа шуны гына эшләп күрсәт әле: су белән тулы стаканны тотып, идәнгә бер тамчы да су түкмичә, өч тапкыр мәчетне әйләнеп чык. Шуннан соң китәргә теләсәң - китәрсең, тотмам, -- дип...
(Ир-атларга)
Күлмәкне үтүкләмичә генә дә киеп булсынга, без көчле затларыбыз өчен бик җиңел генә ике ысул тәкъдим итәбез:
– ванна бүлмәсен кайнар су агызып парландырасыз да, күлмәкне элгечкә элеп куясыз. Бөгәрләнгән урыннар тип-тигез булачак.
– элгечтәге күлмәккә пульверизаторга салынган катнашма сибәргә була.
Аны ясавы да җиңел: кер чайкагыч сыекчага аш серкәсе кушасыз да, сиптерәсез. Ләкин күлмәктән аш серкәсе исе килеп торырга мөмкин.
“Шәһри Казан”
Тубылда 2021 нче ел дөньякүләм танылган картограф, географ, тарихчы Семен Ремезов елы дип игълан ителде. Март аенда күренекле шәхескә багышланган үзенчәлекле олимпиадада җиңү яулаган, 2 дәрәҗәдәге диплом белән бүләкләнгән Элина Мусабирова үзенең тәэсирләре турында сөйләде. Элина 15 нче мәктәпнең 11 сыйныф укучысы. Бөтен фәннәрдән “5”ле билгеләренә укыган кыз олимпиадаларда, викториналарда катнаша.
Ул: ”Бәйгеләрдә, олимпиадаларда ай саен катнашам. Мәктәптә барлык фәннәрне яратсам да, физика, математика, химия белән күп кызыксынам, тирәнрәк өйрәнергә тырышам. Соңгы вакыт инглиз теле, биология...
Мин - Рөстәм Төхвәтуллин - Казанлы урта мәктәбенең 11 сыйныфында укыйм. Миңа 17 яшь. Мин күп балалы гаиләдән. Без тугыз кеше: биш малай, өч кыз һәм әни. Абыйга - 23, ә сеңелемә - 5 яшь. Мин ике олы абыйдан соң өченче булып тудым. Безнең гаилә тату, һәркемнең үз вазифасы бар, әниебезгә ярдәм итәргә тырышабыз.
Мин яхшы укыйм, зур теләк белән дәресләргә йөрим, барлык чараларда катнашам. Балачактан иҗат белән мавыгам, шигырьләр язам, хәтта гомеремдә беренче тапкыр үз поэмамны яздым. Шулай ук спорт турында да онытмыйм. Быел мәктәпне тәмамлыйм һәм мине олы тормыш юлы көтә.
Балачактан ук мин спорт һәм...
Кешеләр ни өчен бер-берсен мәсхәрәлиләр? Бу турыда көнчыгышта яшәгән бер акыл иясе үзенең укучыларына: «Кешеләр өч ысул белән мәсхәрәли. Алар сине ахмак, сәләтсез бер ялчы-кол дип атарга мөмкиннәр. Әгәр мондый хәл була калса, гади бер хакыйкатьне исегезгә төшерегез: бары үзе юләр кеше генә сине юләр дип атар, үзе ялчы булган кеше генә икенче бер кешедә ялчыны күрергә тырышыр, бары үзе сәләтсез, бәхетсез булганнар гына кешенең акылсызлыгына сылтау ясап, үзләрен акларга тырышырлар. Шуның өчен юләр, уңышсыз хезмәтчеләргә тиңләшмәс өчен, андый сүзләр әйтүчеләргә беркайчан да ачуланмагыз һәм...
Бу кагыйдә бик күпләргә ярдәм итәр. «20-20-20» кагыйдәсе - ул күзләр өчен күнегү. Моның өчен һәр 20 минут саен телефон, компьютердан күз карашыгызны алып, ким дигәндә, 20 секунд 20 атлам ераклыктагы әйбергә карагыз. Кызгылт-сары яшелчә һәм җиләк-җимеш, карасу җиләкләр ашагыз. Күзләр сәламәтлеге өчен бик тә файдалы. Елга бер тапкыр күз табибына күренегез.
Башка чирләрнең күзләргә йогынты ясау-ясамавын белешегез. Мәсәлән, югары кан басымы һәм шикәр авыруы күзләрдәге кан әйләнешне начарайта.
«Кызыл таң».
- Балалар уйный торган “лизун” машинадагы тузанны җыярга ярдәм итә. Сөртергә уңайсыз булган почмакларны да шуның белән чистартып була.
- Тәгәрмәчләр ялтырап торсын дисәгез, шиннарны глицеринга манылган губка белән сөртергә кирәк.
- Машина утыргычында майлы, пычрак тап булса, аңа башта чәй содасы сибегез һәм берничә минут көтегез. Аннары чәй содасын җыеп алып, юеш чүпрәк белән сөртегез.
- Машинада лезвие һәм тиз кибә торган җилем йөртегез. Юлда барганда тәрәзәгә таш эләксә, шул урынга җилем тидереп, каткач, артыгын лезвие белән кырып алыгыз.
- “WD-40” сыекчасы ярдәмендә...
Усак урта мәктәбендә «Үсеш ноктасы» цифрлы һәм гуманитар профильле белем бирү үзәге ачылды. Бу мәктәп Төмән өлкәсендә «Мәгариф» милли проекты кысаларында «Заманча мәктәп» федераль проекты гамәлгә ашырыла торган 28 уку йортының берсе булды.
Проектның максаты - безнең мәгарифнең конкурентлылык сәләтен арттыру һәм гармонияле үсеш алган, социаль җаваплы шәхес тәрбияләү, укыту һәм тәрбиянең яңа методларын кертү өчен шартлар тудыру, «Технология», «Информатика», «Тормыш иминлеге нигезләре» фәннәрен укыту ысулларын яңарту һәм камилләштерү.
Мәктәп - ул безнең балалар тормышын якты төсләр...
Төмән өлкәсе татар мәдәнияте көннәре кысаларында, 16 март көнне Яркәү мәдәният йортында «Халык сәнгате» XI нче район үзешчән сәнгать конкурсы онлайн форматта узды. Бәйгенең төп максаты - милли һәм заманча музыка мәдәниятен саклау, үстерү һәм арттыру, төрки телле халыкларның традицион милли мәдәниятләрен торгызу, шулай ук яңа музыкаль талантларны һәм үзешчән коллективларны ачыклау. Бәйге 3 этапта, шулай ук онлайн форматта үткәрелде.
Конкурс нәтиҗәләре буенча «Театр сәнгате» номинациясендә I дәрәҗәле лауреат дипломына Шатан авылы китапханәсеннән Зөлфия Шаморатова (җитәкчесе М.Кәримова) лаек булды. «Фольклор»...
Хатын-кызлар бәйрәме уңаеннан Вагай районы депутаты Флера Ватутова һәм Төмән шәһәрендә яшәүче Зөлфия Алишеваның матди ярдәме белән “Яшь буын” өлкә татар яшьләре оешмасы җитәкчесе Фәрид Корманов үзенең алыштыргысыз оста җырчысы Роберт Сабиров белән район үзәгеннән еракта урнашкан авылларга барып, матур концертлар куеп кайттылар.
Беренче тукталыш - сазъяк артындагы Усак авылы булды. Биредә аларга ике концерт куярга туры килде.
Чөнки узган ел Биек авылы халкы аларның концертларында булып, быел да килергә теләк белдергәннәр. Транспорт булмау сәбәпле, тамаша карарга килә алмаганнарын ишеткәч, Фәрид Зәки...
Җир җимертеп эшлисе килә... ...Бераз ятып торыйм әле, бәлки узар, дип сез дә уйлап куйгалыйсыздыр инде? Сүз дә юк, нәрсәдер эшләгәнче, диванга кырын ятып, телевизор карау күпкә рәхәтрәк анысы!
Менә шул ялкаулык коткысына бирелмәс өчен, нишләргә соң?
Әйтик, өй җыештырырга иренеп торасыз икән, 4 тапкыр акрын гына тирән итеп сулыш аласыз. Соңгысын алуга ук эшкә керешәсез. Уйлап торырга вакыт калмаска тиеш!
Еш кына ялкаулыкның төп сәбәпчесе булып, күңел төшенкелеге яки начар уйлар тора. Шул мизгелдә сезне сөендерерлек әйберләр турында уйлагыз, күтәрелеп киткәнне сизми дә калачаксыз...
