Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Өлкә себер татар язучылар берлеге оешмасы рәисе, җирле шагыйрә, Б.Сөләйманов исемендәге премия лауреаты Клара Кучковскаяның күптән түгел дөнья күргән «Онотма» дип аталган китабының тәкъдим итү чарасы Төмән шәһәренең татар мәдәният үзәгендә узды. Чараны филология фәннәре кандидаты Максим Сагидуллин ачып, килүчеләрне сәламләгәннән соң: «Бүген безнең зур бәйрәм, мин аны юбилей дип тә әйтер идем, чөнки себер татар телендә басылган 20 нче китапны тәкъдим итәбез.
Татар халкының патриот шагыйре, Советлар Союзы Герое Муса Җәлилнең туган көне уңаеннан, быел да өлкәдә күптөрле чаралар уздырылды. Шундый кичә 16 февраль көнне Төмән шәһәренең татар мәдәният үзәгендә бик җылы һәм дустанә атмосферада үтте. «Герой шагыйрь Муса Җәлил» дип исемләнгән әдәби-музыкаль кичә өлкә мөселманнары Диния нәзарәте һәм өлкә ислам мәгърифәт үзәге җитәкчелегендә оештырылды. Кичәдә татар халкының рухи мәдәнияте нигезләрен өйрәнү курсларына йөрүчеләр, барлык дини идарә әгъзалары, М.Җәлилнең иҗатына гашыйк булган якташлар катнаштылар.
Менә тагын шигъриятебездә зур югалту булды. Күкрәнде авылында туып-үскән шагыйребез Фәрит Ермышев соңгы юлына китте. Ни хәл итәсең? Гүр газапларын күрмәсен, соңгы урыны оҗмах бакчаларында булсын! Илаһи Амин.
Искитәрлек бу авыл - Күкрәнде. Аннан нинди генә күренекле шәхесләр чыкмады?! Үз вакытында “Яңарыш” редакциясендә миңа Шакирҗан абый Ибраһимов белән очрашырга насыйп булды. «Әдәби Төмән» утырышларында Фәрит Ермышев белән очраштык.
Узган елның декабрь аенда Тубыл шәһәрендә яшәп иҗат итүче Галия Абайдуллина белән очрашу үтте. Галия апа безне үз өендә бик җылы каршы алды. Аның чәйләрен эчеп, тәмле ризыкларын ашап, аны бик сокланып тыңладык. Кунаклар күп килгәннәр иде. Шәһәрнең Киров урамында эшләп торучы китапханә хезмәткәрләре дә безнең белән бергә булдылар. Очрашу бик кызыклы һәм күңелле үтте!
«Яңарыш» газетасының «Шигърият» битендә Галия Абайдуллинаның, Әлмөхәммәт Хәбибуллинның шигырьләрен еш кына күрәбез. Мин инде, гафу итәсез, кайбер шигъри юлларда үземчә «ялгышлык» күреп, пародия дә язып куям. Галия апа Абайдуллина бер шигырендә болай язган:
Минем яраткан шагыйрәмнең - Галия Абайдул-линаның тагын да «Тормыш сабаклары» дигән шигырь китабы чыкты. Бу җыентыкта ике поэма «Тормыш сабаклары», «Язмышмы... әллә ялгышмы?» һәм 108 шигыре бастырылган. Кереш сүзендә автор «Бу поэмалар һәм шигырьләр нигезендә замандашларга - истәлек, бүген яшәгәннәргә - тарих дәресе»; «Күп кенә очракта поэманың төп герое - автор үзе», - дип яза. Сугыш чоры баласы күп күрәчәк күргән, шулай да, тырышлыгы, корычтай ихтыяр көче белән укып, белем алып, атказанган укытучы дәрәҗәсенә күтәрелгән.
Время намаза для г. Тюмень, на Апрель 2023
(Рамадан – Шавваль 1444)
Төмән өлкәсендәге себер татар язучылары берлеге рәисе Клара ханым Кучковская белән элекке танышлар булмасак та, хәзерге көндә тыгыз элемтәдә торабыз. Мин аның себер татар телдә язган шигырьләрен яратып һәм үз итеп укыйм. Аннан үрнәк алып, үз телен яратып, хөрмәт итеп иҗат итүче шәхесләрне тыңлап, үзем дә 3 китабымны себер татар телендә чыгардым. “Яңарыш”ка рәхмәт, “җитлеккәнен” дә, “җитлекмәгәнен” дә бастырырга тырышалар. Безнең күбебез әдәбият, шигърият белемен ишетмәгән-күрмәгән кешеләр. Шуның өчен кайсыбызга хикәя итеп язу кулай булмас идеме?
Менә 30 ел дәвамында җирле татар шагыйрьләребез “Яңарыш” газетасының “Шигърият” сәхифәсенә үзләренең шигырьләрен җибәрәләр. Алар төрле: кызыклы, эчтәлекле, мәгънәле, кыска, зур күләмле...
“Яңарыш”ның беренче көннәреннән үк Галия Абайдуллина, Гөлнур Хәйруллина, Фәхриҗамал Утяшева, Хисмәт Корман, Сәхир Хәбиб, Булат Сөләйманов, Баһаветдин Нәүрузов, Хәлимә Уразова, Рәшидә Зәнкиева, Рәйханә Алимова, Хөсни Гаитова, Шакирҗан Ибраһимов үзләренең матур шигырьләре белән газета битләрен бизәделәр.
“Яңарыш” газетасының “Шигърият” битләрендә Тубылдан ветеран укытучы педагогия фәннәре кандидаты Клим Садыйков җибәргән Марат Хәбибулинның матур, эчтәлекле шигырьләрен бастырып килдек. Марат Гариф улы мәңгелеккә яныбыздан киткән. Милләттәшләребез соравы буенча, Клим Солтан улыннан шушы җирле шагыйрь турында мәгълүматлар җибәрүен үтендек. Клим абый Марат Хәбибулинның автобиографиясеннән өзек һәм фотосын җибәрде. Без Клим Солтан улына зур рәхмәтебезне белдерәбез.
Хөрмәтле якташыбыз, себер татары, талантлы Казан шагыйре Шәүкәт Гаделшаны күпләр беләләр һәм яратып укыйлар. Аның шигырьләре һәрдаим “Яңарыш” битләрендә бастырылып киләләр. Ул газета белән нык элемтәдә. Мин аның “Табигать баласы” дигән саллы гына шигырьләр җыентыгын кат-кат укып чыктым. Аның шигырьләрен яратып укыйм гына түгел, шундый да нечкә тойгыларына, ихлас хисләренә, кешене, табигатьне һәм хайваннар дөньясын шулкадәр тирән аңлавына, искитмәле итеп чагыштыра-тасвирлый белүенә хәйран калырлык. Ул сугыштан соңгы авыр елларда үскән авыл егете.
27 март көнне халык шагыйре Роберт Миңнуллинның йөрәге тибүдән туктады. Аңа 71 яшь иде.
Роберт Мөгаллим улы Миңнуллин 1948 елның 1 августында Башкортстанның Илеш районында туган. Озак еллар «Яшь ленинчы» («Сабантуй») газетасын җитәкли. 1988-1994 елларда — Татарстан Балалар фонды рәисе. 1995-2014 елларда — Татарстан Республикасы Дәүләт Советы депутаты булды. Аның шигырьләрен өлкәннәр дә, яшьләр дә, балалар да ярата иде һәм яраталар да. Интернет челтәрләрендәге исәпсез күп комментарийларда Роберт Мөгаллим улының чын-чынлап халык шагыйре булуы күренде. Шагыйрь күңеле һәрвакыт укучылары янында иде.
Түбән Тәүде районы, Урманбаш авылында яшәүче җирле шагыйрә, “Яңарыш” газетасының актив хәбәрчесе Гөлнур Хәйруллинаның “Ахман-Урманбаш авылы тарихы” исемле 151 битле әдәби-тарихи басмасы дөнья күрде. Китап “Молот” оешмасында бастырылган, тиражы 250 данә. Аны басма өчен Наилә Айнетдинова әзерләгән. “Мин шушы китабымда авылыбыз Ахман-Урманбашның үткән һәм хәзерге тарихын күрсәтәсем килде. Әле ачыкланмаган, алга таба эзлисе һәм табасы килгән әйберләр күп. Инде мин олы яшьтә, булдыра алган хәтлесе белән авылдашларымны таныштырасым килә. Халкыбызның үткәнен белмәсәк, ата-бабаларыбызның рухы безне кичермәс” – дип язган кереш сүздә Гөлнур Әкрәм кызы.
Кулымда иске, төсле карандашлар белән матур чәчәкләр ясалган уникаль дәфтәр. Зур саклык белән битләрен ачып карадым. Тышына “Рәбига Кәлимуллина шигырьләре” дип язылган. Берничә битендә “Клара бәете”, аннан соң шигырьләре урын алган. Аларның астына 1943-1944 еллар дип язылган. Димәк, бу шигырьләр Бөек Ватан сугышының иң кайнар, дәһшәтле вакытларында иҗат ителгән. Шигырьләрнең берничәсен “Яңарыш”ның алдагы саннарында «Шигърият» сәхифәсендә бастырдык. Алар мәхәббәткә, сөюгә, тугрылыкка багышланган.
Дәфтәрне редакциягә Рәбига апаның кызы Нурия ханым китерде. Без кызыксынып аның авторы турында сорадык.
Тумышы белән Вагай районы, Башгүрдә авылы шәхесе Әлмөхәммәт Хәбибуллин хәзерге көндә Тубыл шәһәрендә иҗади эш белән шөгыльләнеп – шигырьләр язып яшәп ята. Телен, динен, җирен, туган ягының табигатен, кешеләрен, милләттәшләрен, дөньяны яраткан, аңа гашыйк булган бу һәрьяктан сәләтле тынгысыз җан бер көнен дә бушка уздырмый дип әйтер идем. Ул күптөрле һөнәр иясе: тимерче, урманчы, шофёр, укытучы, тренер, спорт мәктәбе директоры һәм тагы әллә кемнәр булып эшләп кенә калмый. Хәзерге көндә дә ике телдә шигырьләр, такмаклар, хикәяләр, эсселәр, үз сүзләренә көйләр язып, җырлар иҗат итеп, пенсия акчасына күп кенә китаплар чыгарды. Мин аның иҗаты белән таныш һәм яратам. Ул купшы, эре сүзләр белән язмый. Себер халкынча фикер йөртеп, халык телендә яза шигырьләрен. Себер кешесенең тормышын, яшәү рәвешен, хезмәтен, туганнар һәм ата-ана арасында булган мөнәсәбәтләрне төрле яктан күрсәтә белә.
