Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Танылган шагыйребез Габдулла Тукай әйтеп калдырган бу сүзләр театрның девизы булып торалар. 27 март – театр көне уңаеннан татар халкының рухи мәдәнияте нигезләре буенча курсларда катнашучылар татар телендә спектакль әзерләргә уйлаганнар. Остазлары Рафаэль хаҗи Гадеев татар халкының “Ике кыз” әкияте белән таныштырган. Әкиятнең тирән эчтәлекле, зур тәрбияви әһәмияткә ия булуы да күңелләренә хуш килә.
Өйрәнелгән сүзләрне практикада кулланыр өчен дә бик уңай ул спектакль кую.
Кунакка өлкә Диния нәзарәте әгъзалары, мәчетләрнең якшәмбе мәктәпләре укытучылары һәм мәчетләргә йөрүчеләр килделәр.
Идея авторы...
Февраль аенда чираттагы җыелышта Төмән районы татар теле һәм әдәбияты укытучылары “Интеграцияләнгән укыту ярдәмендә укучыларның иҗади сәләтләрен үстерү» дигән темага ZOOM белем бирү платформасын файдаланып семинар үткәрделәр. Биредә өч чыгыш һәм ике дәрес күрсәтелде. Беренче чыгышта мин методик берләшмә җитәкчесе буларак, семинар темасына бәйле теоретик материаллар турында сөйләдем.
Шулай ук Шыкча урта мәктәбенең башлангыч сыйныф укытучысы Флера Зөлбохарова «Төп, өстәмә белем бирү һәм класстан тыш эш ярдәмендә укучыларның иҗади потенциалын үстерү» дигән тема белән таныштырды. “Укучыларның...
Туган теле, гореф-гадәтләре һәр милләтнең зур байлыгы булып санала. Әгәр дә туган телне белмәсәң, ул милләт халкының тарихын, башлангыч чорын һәм мәдәни казанышларын тулысынча белеп булмый. Һәркемнең иң беренче ана теле укытучылары – аның әти-әнисе. Ә инде алдагы, киләчәк көннәрдә телне камилләштерүчеләр - мәктәп һәм мәктәп укытучылары, бигрәк тә тел белгечләре. Агымдагы 2022 елны дәүләтебез Россия халыкларының мәдәни мирасы елы дип игълан итте.
Бу зур эш чишелмәслек мәсьәлә булмас, дип өмет итәм. Бу бурычны тормышка ашыру юлында “Яңарыш” газетасы да туган көненнән үк алдынгылар...
Казан шәһәрендә татар теле һәм әдәбияты буенча узган төбәкара олимпиадада Төмән өлкәсе укучылары югары нәтиҗәләр күрсәтте.
Икенче февральдән алып бишенче февральгә кадәр Казанда 8-11нче сыйныфлар арасында татар теле һәм әдәбияты буенча төбәкара олимпиада узды. Әлеге бәйгедә Россиянең 28 төбәгеннән (7 төбәк дистанцион рәвештә) туган тел серләрен яхшы белүче 155 укучы көч сынашты.
Безнең өлкәбездән олимпиадада быел Төмәндә узган төбәк олимпиадасы җиңүчеләре һәм призерлары -13 укучы катнашты. Шунысы сөенечле, укучыларыбыз Казанда да югары нәтиҗәләр күрсәттеләр. Менә алар: татар теленнән призерлар -...
Тел - ананың теләге, тел – ананың баласына иң кадерле бүләге, дигән халык мәкале бар. Габдулла Тукай поэтикасының матурлыгын, Муса Җәлил җырларының батырлыгын безгә, авыл малайлары һәм кызларына күрсәткән укытучы Мәүлидә апа Сәитова булды. 50 ел элек Ялутор якларыннан Төмән районы, Талымхан авылына күчеп килгән Сәитовлар гаиләсе авылдашлары өчен иң кадерле, иң якын кешеләргә әйләнделәр. Ветеран укытучы, Бөек Ватан сугышы ветераны Мәүлидә апа Сәитованы Халыкара туган тел көнендә искә төшермичә ярамас. Явыз авыру кешене юк итте - Мәүлидә Нәзир кызының 89 яше тулуга бер ай чамасы гына калган...
16 октябрь көнне Төмән өлкәсе мөселманнарының Диния нәзарәтендә татар халкының рухи мәдәнияте нигезләре буенча курс эшли башлады. Уку курсы 48 академик сәгатькә исәпләнгән, курсның озынлыгы 6 ай тәшкил итәчәк.
Мин дә бу курска йөрүчеләр белән танышып кайтырга уйладым. Иң элек укулар турында күбрәк мәгълүмат туплау теләге белән дәресләрне алып баручы педагогик фәннәр кандидаты, татар телен гел яклап, саклап килүче, күп чаралар оештыруда актив Рафаэль Гадиевка мөрәҗәгать иттем.
– Әлеге курсларга әзерлекне икенче ел алып барабыз. Татарстанда мәчетләрдә татар телендә курслар...
15 декабрь көнне Төмән районы татар теле һәм әдәбияты укытучылары чираттагы семинар үткәрделәр. Семинарның темасы: “Класстан тыш һәм дәрестән тыш эшне активлаштыру аша белем сыйфатын күтәрү”. Биредә укытучылар мастер-класс һәм чыгышлар күрсәттеләр. Беренче чыгышны “Проект эшчәнлеге - укыту мотивациясен арттыруга ярдәм итүче формаларның берсе» дигән темага Талымхан урта мәктәбенең бик тәҗрибәле башлангыч сыйныф укытучысы Тәслимә Мөхәммәтҗанова ясады.
Каскара урта мәктәбенең яшь татар теле укытучылары Әлфия Ниязова 7 нче сыйныфта “Җөмләнең баш кисәкләре” темасына мастер–класс...
Санниково авылында яшәүче Нурҗиһан Назыйрова өлкәдә билгеле шәхес. Ул 40 ел гомерен яшь буынны тәрбияләүгә багышлаган ветеран укытучы. 40 елның яртысын диярлек татар теле һәм әдәбияты укытучысы булып эшләде. “Яңарыш” газетасы чыга башлаганнан бирле Нурҗиһан апа газетабызның актив хәбәрчесе булып, укучыларыбызны кызыклы мәкаләләре белән сөендерә. Газетага язылу вакытында өйдән-өйгә йөреп, кайвакыт үз акчасына, авылдашларын гына түгел, күршедәге Үләртеш, Өстамак авылларында яшәүче милләттәшләребезне дә газетага яздыра.
Ноябрь аенда Нурҗиһан Мөхәммәтулла кызы 75 яшьлек юбилеен үткәрде. Ул Тубыл районы...
Тылсымлы, якты, шау-шулы Яңа ел бәйрәмен китапханәләрдә дә көтеп алалар. Вагай районы, Сопра мәктәбе каршында эшләүче китапханәдә бәйрәм алдында үткәрелгән чаралар турында китапханәче Алсу Симонова: “Серле Яңа ел бәйрәменә китапханәбезне бәйрәмчә бизәп, узып барган елга нәтиҗә ясау чарасын үткәрәбез. Ел дәвамында иң күп китап укучыларны билгелибез. Узган ел күп вакыйгаларга, мәдәни чараларга бай булды. Китапханәгә йөрүчеләр: өлкән яшьтәге авыл халкы, укытучылар, тәрбиячеләр, мәктәп укучылары. Төп эшем китап бирү булса да, план буенча мәдәни чараларны мәктәптә, балалар бакчасында үткәрүне оештырабыз...
Татар теле һәм әдәбиятын өйрәнүче укучылар өчен яңа уку китапларын Төмән өлкәсенең “Истоки” татар этномәдәни компонентлы мәктәпләр коммерцияле булмаган партнерлыгы Тубыл шәһәрендәге 15, 17 нче мәктәпләргә, районнарда урнашкан авыл мәктәпләренә тараттылар.
Бүгенге көндә мәктәпләрдә татар теле һәм әдәбияты дәресләрен, түгәрәкләрне дә мавыктыргыч итеп оештырырга мөмкинлекләр барлыгы турында әлеге оешма рәисе Әлфия Әхтәм кызы Петухова сөйләде: “Дәреслекләрне, уку китапларын Татарстан Республикасы мәгариф һәм фән министрлыгы безгә бушлай җибәрде.
100 процентка дәреслекләр белән тәэмин ителмәсәк тә...
Укытучым! Аның хезмәте хөрмәтле, шул ук вакытта иң авыры.
Балачактагы хыялын дөньяга ашырып, 30 ел гомерен балаларга белем бирүгә багышлаган укытучы Гөлшат Тимерхан кызы Турышевага 50 яшь тулды.
Янгутум авылында туып-үскән Гөлшат Тимерхан кызы 1988 нче елда Лаемтамак мәктәбен тәмамлагач, Тубыл педучилищесына укырга керә. Училищены тәмамлап, юллама белән Вәчир авылына укытырга килә. Тыйнак, сабыр кызны авылда яратып, мәктәп коллективы үз итеп кабул итә. Аннары ул Тубыл педагогия институтының рус-татар бүлеген читтән торып тәмамлый. Бу авылда Габдрахман Шәрифулла улы белән гаилә корып, 3 кыз...
Татарстан Республикасы премьер-министры урынбасары, Бөтендөнья татар Конгрессының Милли Шура җитәкчесе Васил Шәйхразыев Төмән өлкәсендә эш сәфәре барышында “Яңарыш” татар газетасы редакциясендә дә булды.
Аның белән бергә килгән Бөтендөнья татар Конгрессы башкарма комитеты җитәкчесе урынбасары Марс Тукаев, Татарстан Республикасы премьер-министры урынбасары ярдәмчесе Ришат Гайнанов, Конгрессның өлкәдәге вәкиллеге рәисе Ринат Насыйровны да җылы итеп каршы алдык.
Аңа кадәр хөрмәтле кунаклар “Искер” тарихи-мемориаль комплексы, Тубыл шәһәренең Җәмигъ мәчете, Тубыл һәм Төмән шәһәрләренең...
Урта гасырлар чорында Төмән елгасы ярында Төмән ханлыгы башкаласы Чинги-Тура шәһәре урнашкан була. Аңа Себер ханы Тайбуга нигез сала. Бүген Төмән татар диаспорасы борынгы шәһәрдә яшәүче татарларның мәдәни мирасы объектларын торгызу буенча эш алып бара.
Төмән өлкәсенә визит кысаларында Татарстан Республикасы премьер-министры урынбасары, Бөтендөнья татар конгрессы Милли Шура рәисе Васил Шәйхразыев булачак «Чинги-Тура» музееның бинасы белән танышты. «Чинги-Тура» музей-агарту үзәгендә монтаж эшләре барышы турында аңа конгрессның Төмән өлкәсендәге вәкиллеге җитәкчесе Ринат Насыйров...
Өлкәбезнең күренекле профессоры Хәнисә Алишинаны Татарстан Республикасы фәннәр академиясе президенты Мәкъзум Саләхов академия юбилеенда үткән пленар докладында шундый матур исем белән бүләкләде.
Казанда Татарстан Республикасы фәннәр академиясе оешуга 30 ел һәм Республикада академик фәннең 100 еллыгына багышланган чаралар уздырылды. Анда хөрмәтле Хәнисә Чәүдәт кызы да катнашты. Ул безгә әлеге ихтирамга лаек бәйрәм турында сөйләде:
- ТР фәннәр академиясе Россиядә глобаль тикшеренүләр, дөнья сәясәте, икътисад, тел, тарих, татар халкының мәдәнияте өлкәсендә әйдәп баручы академик, эксперт, белем бирү үзәге буларак...
13 октябрь көнне ZOOM белем бирү платформасында Төмән районы татар теле һәм әдәбияты укытучыларының “Белем бирү сыйфаты белән идарә итү коралы буларак инновацион технологияләр» дигән темага чираттагы җыелышы узды. Биредә Акъяр, Индрәй, Каскара, Муллаш, Талымхан, Шыкча, Ямбай мәктәпләреннән 12 укытучы катнашты.
Беренче чыгышны “Әдәби уку дәресләрендә универсаль уку гамәлләрен формалаштыру” дигән темага үзенең эш тәҗрибәсеннән Акъяр мәктәбенең башлангыч сыйныф укытучысы Чулпан Качаева ясады. Чыгышының төп максаты: балаларны китап укуга кызыксындыру ысулларын табып, туган телне...
