Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Өч көн дәвамында муллабыз Вәгыйз хәзрәт Ильясов Корбан ашларында катнашты. Һәр өйдә вәгазь сөйләде, дини бәйрәм белән котлады. Сөйләгәндә халыкны, “Яңарыш”ка язылыгыз, дип тә өндәп торды: “Төрле газеталарыбыз бар. Кемдер Казаннан “Юлдаш” алдыра. Дини идарәдән “Хикмәт” тә килә. Ә безнең өчен иң яхшысы - “Яңарыш”, анда намаз вакытлары да дөрес, төгәл бирелеп бара”, - дип сөйләде ул.
Тархан авылы - Яркәү районында иң зур мәчетле татар авылы. Биредә 500 кеше яши. Мәсхүт Әбдрахман улы Мукминов вафат булгач, җыелышып Вәгыйз хәзрәтне сайладык. Аны яхшы беләбез, гаиләсен хөрмәт итәбез. Тарханда туып-үскән, эретеп...
Коръәни Кәрим аятьләрен уку – Аллаһы Тәгаләгә гыйбадәт кылу. Әлегә аятьләрнең мәгънәләрен аңламасаң да, аларны барыбер укырга кирәк, чөнки бу Аллаһы Тәгаләнең ризалыгына ирешү юлы.
Ләкин кеше аятьләрне үзен күрсәтү, башкалардан өстен күренү нияте белән укый икән, бу гөнаһ исәпләнә.
Коръәни Кәримдә Аллаһы Тәгалә болай ди: “Хак мөэминнәр зикер, вәгазь һәм тәрбия өчен Аллаһ китабы Коръәнне укырлар, вә намазларын вакытында үтәрләр, вә Без биргән малдан күрсәтеп тә, күрсәтмичә дә фәкыйрьләргә һәм Аллаһ юлына садака бирерләр, алар малларын биреп Аллаһ ризалыгын алу сәүдәләрендә һич бетми торган...
Бүгенге бик катлаулы вакытларда тирә-якта ямсез күренешләр, тәртипсезлек, бозыклык күзләргә чагылган заманда балаларны, оныкларны тиешле рәвештә тәрбияләү, үзебезнең гореф-гадәтләребезне, саф булган ана телебезне саклап калу, милләтебезнең сокланырлык, бай тарихына горурлык хисләре уяту искиткеч бер зур абруй, шул ук вакытта авыр йөк булып тора.
Халык мәкәлендә әйтелә: «Нәрсә чәчсәң, шуны урырсың», - дип.
Төмән өлкәсендә ошбу, бик мөһим булган проблемаларны берхәтле алга тарту, халкыбыз арасында әдәп-тәрбия чараларын үстерү ягыннан 30 ел дәвамында «Яңарыш» газетасының роле әйтеп бетергесез.
Әлбәттә...
Сөекле Пәйгамбәребез Мөхәммәд (с.г.в.) нең бер хәдисендә әйтелә: «Адәм баласының иң яхшы, хәерле булган ризыгы - үз куллары белән эшләп тапканы». Шулай ук Коръән Китабында, Раббыбыз Аллаһы Тәгалә хезмәт сөюгә, хәләл юл белән ризык табып туклануга зур игътибар бирә. Хәтта Изге Китапта безләргә хәтле булып үткән пәйгәмбәрләрнең нинди кәсеп белән шөгыльләнүләре, аларның мал табуда тырышлыгы, хәләл ризыктан файдаланулары күрсәтелә.
Үзебезнең Төмән өлкәсендә милләттәшләребез-якташларыбыз арасында да тырыш хезмәт сөючеләр, сокланырлык, алтын куллы улларыбыз-кызларыбыз юк түгел.
Мансур Мөнир...
Көннәрдән-беркөнне кеше кинәт авырый башлый... Башта тәненә дәва эзләп табибка бара, хастаханәләрдә дәвалана, дарулар кабул итә, ләкин файдасын гына күрми...
Нинди ысуллар бар – барысын да кулланып карый чир белән тәмам җәфаланган адәм баласы, тик хәле җиңеләйми. Менә шул чакта Аллаһтан ярдәм сорап ялвара башлый ул һәм... җиңеллекне Коръән сүрәләрендә таба. Мамадыш шәһәрендәге Изге нур мәчете имам-хатыйбы Мансур хәзрәт Батыровның кешеләрне сихер-бозымнан, күз тиюләрдән Коръән сүрәләре белән озак еллар дәвамында уңышлы дәвалавы хакында хәбәрдар идем. Шөкер, хәзрәт укучыларыбызны...
Һиҗри исәп буенча 1441 елда (милади буенча 2020 ел) бөтендөнья мөселманнары төп ислам бәйрәмнәренең берсе – Корбан гаете 31 июль көнне булачак. Пандемия Корбан гаетен уздыруга нинди төзәтмәләрен кертә?
Дөньяны колачлап алган коронавирус пандемиясе керткән төзәтүләрне Корбан гаете көнне дә истә тотарга кирәк булачак. Шәригать белгечләре гает намазларын мөмкин булганча ачык һавада оештырырга киңәш итә. Намаз вакытында Роспотребнадзор тарафыннан тәкъдим ителгән барлык чараларны да үтәргә кирәк. Мәчетләргә бары битлек, перчатка һәм шәхси намазлык белән генә керергә ярый, намаз...
Аллаһы Тәгаләнең рәхмәтендә без ел дәвамында изге Рамазан ае җитүен түземсезлек белән көткән барлык мөселманнар белән шатлык хисләрен уртаклашабыз. Бу ай безгә узган елда тормышыбызга анализ ясау, Аллаһы Тәгалә каршында гөнаһлар өчен гафу итү мөмкинлеге бирә.
Пәйгамбәребез Мөхәммәд (саләллаһу галәйһи вәсәлләм) хәбәр иткәнчә, Рамазан ае башы - Аллаһның рәхмәте, уртасы - ярлыкау, ахыры - җәһәннәм газабыннан котылу. Рамазан - Коръән ае. Анда мең айдан да яхшырак бер төн бар. Аллаһы Тәгалә безгә бу айда ураза тотарга боерды.
Ашау, эчү, җенси мөнәсәбәтләрдән баш тартудан тыш, бу айда...
Безнең бабайларыбыз һәм абыйларыбыз Бөек Җиңү көнен булдыруда бик зур өлеш керткәннәр, батырларча дошман белән көрәшкәннәр, сугыш тарихы битләрендә безнең өчен горурлык хисләре уятучы эзләр калдырганнар. Бик кызганыч: ветераннар саны бик аз калды. Әгәр дә, моннан бер 20-30 еллар элек, алар белән утырып, сугыш сукмаклары турында сөйләгәннәрен язып барган булсак, искитәрлек бай, әһәмиятле, яшьләр, яшүсмерләр өчен үрнәк булырлык мәгълүматлар тупланган булыр иде.
Сәмигулла Ногман улы Мирхәлилов Ялутор районы, Атьял авылында туып-үскән. Авыл мәктәбендә 4 класс тәмамлаган. Гаиләдә 4 бала үсәләр...
Ураза тоту — таң беленгәннән (кояш чыгарга ике сәгать чамасы вакыттан) алып, кояш баеганчыга кадәр ашау-эчү, җенси якынлык кылудан тыелып тору. Ураза Бөек Аллаһы ризалыгы өчен генә тотыла, ябыгу, дәвалану максатыннан тоту дөрес булмас. Шулай ук айның башында 3 көн, яки ахырында өч көн генә тоту да дөрес түгел, уразаны Рамазан ае тәмамланганчы, бер ай буена тотарга кирәк.
Сәхәр ашау һәм авыз ачу (ифтар) вакыты
Иртәнге ашны ашауны — сәхәр ашау диләр, ә кичке аш — ифтар (авыз ачу) дип атала. Намаз вакытлары таблицасында сәхәр вакыты — сәхәр тәмам дип күрсәтелә, ә...
20 апрельдә онлайн режимда Төмән өлкәсе мөселманнарының диния нәзарәте утырышы узды. Көн тәртибендә, Төмән өлкәсендәге быелгы санитар-эпидемиологик ситуацияне исәпкә алып, изге рамазан ае дәвамында дини чаралар үткәрүне оештыру белән бәйле мәсьәләләр каралды. Утырыш нәтиҗәләре буенча «Рамазан ае башлану турында» № 1/20 дини бәяләмә кабул ителде.
Беренче чиратта, идарә әгъзалары рамазанның башлану һәм тәмамлану даталарын билгеләделәр: 24 апрель – айның беренче көне, 23 май – айның соңгы көне, 23 апрель – беренче тәравих намазы, 24 май – Ураза бәйрәме.
Төмән өлкәсе...
Канлы көрәш кырын батырларча үтеп чыккан, Бөек Җиңү көнен безгә алып килгән абыйларыбыз, бабайларыбыз турында барлык булган мәгълүматны җыйсак, безнең киләчәктә күп томлы җыентык булыр иде, Ин ша Аллаһ.
Төмән районы, Ямбай урта мәктәбе Советлар Союзы Герое Әхмәтрәшит Әширбәков исемен йөртә, ул күрше Турай авылында туган һәм Бөек Ватан сугышында батырларча һәлак булган.
Хәсән Гыйрфан улы Гайнуллин 1927 елда 16 яшендә үзенең хезмәт улын башлап җибәрә. Аны 18 яшендә «Урал» дип аталган колхозның хисапчысы итеп куялар. 1932-34 елларда Ирбит шәһәренең авыл хуҗалыгы институтында укый. Уңышлы...
Минебәнәт апа Бабаева үзе исән чагында гаиләсе турында хәтерендә калган хатирәләрен язып калдырган. Бу материалларны күз карасыдай кызы Сәлимә апа саклап, безнең редакциягә тапшырды.
Аларны укып, тормыш хатирәләренә тирәнрәк үтеп кергән саен яхшырак аңлыйсың: шушы күп авырлыклар кичергән кечерәк кенә буйлы, яшь кенә, әмма көчле рухлы, җитез Минебәнәт апа әнисе (Факия апа) кебек ук авыр тормыш юлын үтә.
“1918 елда Буа районы Әхмәт авылында туып-үскән әни (Факия) Үгез куагы авылы егетенә, димәк әтигә (Алиулла) кияүгә чыга. Бергә 6 ай торгач, әти Герман сугышы башлану белән сугышка үзенең аты...
Хисмәтулла Сибгатулла улы Гыйззәтуллин 1899 елда Ялутор өязе Исәт авылында дөньяга килә. Балачактан авыл мәчетендә белем ала, укый-яза белә. Яшь егетнең хәрби тормышта беренче адымнары 1920 елның сентябрь аенда башлана. Гражданнар сугышында катнаша - Бөтенроссия гадәттән тыш комиссиясе гаскәренең 50 нче аерым батальоны укчысы була, ә 1922 елның сентябрь аенда азат ителә. 1939-40 елларда Хисмәтулла Сибгатулла улы совет-фин сугышында катнаша. 1942 елның 10 маенда Бөек Ватан сугышының иң кызган вакытларында Кызыл Армия сафларына алына. 30 майда 671 нче укчылар полкында ант кабул итә.
6 нчы августтан алып 21...
Бөек Ватан сугышының тәмам булуының 75 еллык юбилее якынлашу уңаеннан, озакламый, сугышта катнашып, сугыштан соң туган якларына кайтып авыл хуҗалыгында хезмәт иткән һәм картлык елларын хак динебезгә багышлаган абый-бабайларыбыз турында китап бастырып чыгарырга әзерләнәбез. “Җиңүче солдатлар дини хезмәттә» (Солдаты победы на духовной службе) дип аталачак ул. “Яңарыш” газетасына шул китапта урын алачак язмаларны биреп барырга уйладым. Алар моңа лаек!
Муса Исмәгыйль улы Назметдинов 1910 елның 8 нче январенда Төмән районы, Муллаш авылында дөньяга килә. Балачактан ук гарәп әлифбасын үзләштергән...
Мөкәррәмә Шәйхетдин кызы Тимерҗанова Түбән Тәүде районы, Кыткүл авылында дөньяга килә. Быел апага май аенда, Ин ша Аллаһ, 89 яшь булачак. Бөек Ватан сугышы башлану белән, беренче көннәреннән алып, аларның әтиләре, ике абыйлары - Яхъя, Касыйм сугышка китәләр һәм сугыш кырларында һәлак булалар. Әниләре Мәсрура Шакир кызы бер үзе ятим балаларны тәрбияләп үстерә - Миннегәрәй (быел үлде), Мөкәррәмә, Әлфия. Мөкәррәмә апа 19 яшендә Мөбәрәкҗан Нигъмәтҗан улына кияүгә чыга, олы кызы Вәсилә, улы Рафаэль, 6 оныгы бар. Сугыш вакытлары, сугыштан соңгы авыр еллар турында Мөкәррәмә апа сөйләргә яратмый, елап җибәрә, сугышта...
